Pro Natura:Jugendnaturschutzgruppe

Hallo Zäme
jitz hei mir uf Winterzyt umgstellt, u o i dr Natur stelle sich Tier ud Pflanzewält uf die kommendi dunkli Jahreszyt i; für di längi u chalti Winterrueh z`überläbe, sorge vieli Tier ganz verschiede vor. Bevor sech dr Schnee wie es wisses Tuech über Ärde leit, passiert da no einiges. Was ächt? Hani eue Gwunder chönne wecke? So viel Interessants vo de Herbstaktivitäte i dr Natur chöit dir ghöre, erfahre u lehre.

Mäldet euch bis spätestens am Donnstig, 6. Nov für e Novämber-Alass a. Wie immer überchöme die Agmäldete churz vorhär ds Detailprogramm.
Mir freue üs uf eui Amäldig - jitz wieder ganz normal hie bi alpendohlen@bluewin.ch.
Liebi Grüess
marianne

Hallo zäme
Hüt het e neue Monet agfange u das heisst für üs Junaler - es git wieder e spannende Alass. Dasmal göt dir under kundiger Füehrig uf d Alp i ds Moor u erfahret unändlech viel Interessants über d Läbewäse u Pflanze, wo`s dert git.
Das muess euch ja gluste, oder? Mäldet euch doch grad a - hie per mail bis spätestens aber am 14. Oktober. Alli Agmäldete überchöme de, wie immer, churz vorhär ds Detailprogramm.

Liebi Grüess u hoffetlech sit dir derbi
marianne

Hallo zäme
dr letzt Alass isch chum verbi u scho darf ig euch wieder zumene Juna Samstig ylade, nämlech für e Samstig,13 Septämber. Aber was git`s de denn? We dir das wettet wüsse - klicket uf e Ahang u tüet ne uf....u ....
Isch das öppis? Wenn ja, de mäldet euch doch bis am 11. Septämber hie uf d Alpedohle a.
Wär sich amäldet, überchunnt de o ds Detailprogramm churz vor em Alass.
Liebi Grüess
marianne

Spiel und Spass an der Gürbe

Der ganz Tag bade, chosle, brätle u Wasser stoue. Uf em Füür chochet e feini Suppe mit ässbarne Pflanze us em Waud u dini Cervela brutzlet näbezuche. Wär bout dieses Jahr ds höchste Steimandli? Du viellicht?

Anmeldung bis 21.8.

Genauere Infos findet ihr auf dem Flyer.

Anlass Juni 2014